Categories
स्थानीय समाचार

लैंगिक हिंसाविरुद्धको १६ दिने अभियान सुरु

भैरहवा– ‘घरबाटै सुरु गरौं, महिला हिंसा अन्त्य गरौं’भन्ने नाराका साथ लैंगिक हिंसा विरुद्धको १६ दिने अभियान रोहिणीमा पनि सुरू गरिएको छ ।
विहिवार धकधईको रोहिणी गाउँपालिका,इलाका प्रहरी कार्यालय धकधई र सामुदायिक प्रहरी सेवा केन्द्रले अभियानको सुरुवात गरेको हो । कार्यक्रमको उद्घाटन गर्दै रोहिणी गाउँपालिकाका अध्यक्ष सनोज कुमार यादवले महिला र पुरुषविचको विभेद अन्त्य गरेर हिंसा रहित सभ्य समाजको निर्माण गर्न रोहिणी गाउँपालिका लागि परेको बताए ।
‘अहिले महिलामात्र होईन, पुरुषपनि हिंसामा पर्ने गरेका छन’ उनी भन्छन्, ‘१६ दिने अभियानको उद्देश्य पुरा गर्नको लागि सबै आआफ्नो ठाँउबाट एकजुट भएर लाग्नुपर्ने समय आएको छ ।’
कार्यक्रममा गाउँपालिका उपाध्यक्ष शिवकान्ती हरिजन, रोहिणी ३ वडाअध्यक्ष वीरबहादुर क्षेत्री ,धकधई सामुदायिक प्रहरी सेवा केन्द्र अध्यक्ष जयप्रकाश यादव, नेकपा नेता संजय गुप्ता, इप्रका प्रमुख हरिनारायण श्रेष्ठ, धकधई ट्राफिक प्रहरी प्रमुख राजकुमार चापागाइ, शिक्षक शिक्षिका,विद्यार्थी ,समाजसेवी, जनप्रतिनिधि, कर्मचारी लगायतको उपस्थित रहेको थियो ।

Categories
राजनीति लुम्बिनी प्रदेश

महाधिवेशन प्रतिनिधिमा अब्दुल रज्जाक सर्वसम्मत चयन

भैरहवा, ७ मंसिर । नेपाली कांग्रेस रुपन्देहीका सभापति एवं पूर्व खानेपानी तथा सरसफाई राज्यमन्त्री अब्दुल रज्जाक कांग्रेसको १४ औं महाधिवेशनका लागि सर्वसम्मत प्रतिनिधि चयन भएका छन् । सोमबार उनी रुपन्देही क्षेत्र नम्बर १ बाट उनी सर्वसम्मत चयन भएको मतदान अधिकृत ओमप्रकाश अर्यालले बताए ।

रज्जाक अल्पसंख्यक (मुस्लिम) कोटामा महाधिवेशन प्रतिनिधिमा चयन भएको निर्वाचन समितिले जनाएको छ । उनी रुपन्देही क्षेत्र नम्बर १ बाट सांसदमा निर्वाचित भइ खानेपानी तथा सरसफाई राज्यमन्त्रीको जिम्मेवारी सम्हालिसकेका छन् । रज्जाक नेपाली कांग्रेसको सभापतिमा लगातार दुईपटक निर्वाचित भइसकेका छन् । उनी पार्टी सभापति शेरबहादुर देउवा निकट मानिन्छन् ।

त्यस्तै प्रतिनिधिसभा क्षेत्र नम्बर १ मा देउवा निकट हिरा बहादुर खत्री निर्वाचित भएका छन् । सभापतिका अर्का उम्मेदवार विश्वनाथ यादवलाई पराजित गर्दै खत्री क्षेत्रीय सभापतिमा निर्वाचित भएका हुन् ।

खत्री देवदह नगरपालिकाका प्रमुख समेत हुन् । त्यस्तै प्रदेशसभा क्षेत्र नम्बर १ (क) र १ (ख) पनि पार्टी सभापति रज्जाक निकट उम्मेदवाहरु विजयी भएका थिए ।

Categories
राजनीति राष्ट्रिय समाचार लुम्बिनी प्रदेश

सीमा क्षेत्रमा बसोबास गर्ने नेपाली जनता अब्बल राष्ट्रवादी : गृहमन्त्री खाँण

भैरहवा, ७ मंसिर ।
गृहमन्त्री बालकृष्ण खाँणले सीमा क्षेत्रमा बसोबास गर्ने नेपाली अब्बल राष्ट्रवादी रहेको बताएका छन् । उनले नेपालको राष्ट्रियता, सान र पहिचान सीमा क्षेत्रका नेपाली जनताबाटै कायम रहेको बताए ।

रुपन्देहीको कोटहीमाई गाउँपालिका–६ मर्चवारीदेवी मन्दिरमा नेपाली कांग्रेस रुपन्देही क्षेत्र नम्बर ४ ले मंगलबार आयोजना गरेको स्वागत तथा सम्मान कार्यक्रममा बोल्दै गृहमन्त्री खाँणले सीमा क्षेत्रमा बसोबास गर्ने नेपालीले नेपालको सीमा रक्षा गरेको भन्दै धन्यवाद व्यक्त गरे ।

‘सीमा क्षेत्रमा रहेको खेत, खलिहान, आली, बगैचा लगायतका स्थललाई मेरो हो भन्दै जोगाएकोले आज देश जोगिन पुगेको छ, ’उनले भने ।

हरेक नेपालीको जीवन रक्षा गर्नु नै नेपाली कांग्रेस पहिलो लक्ष्य राखेको गहृमन्त्री खाँणले बताए । वि.सं. २०४८ साल भन्दा पहिला विकासको गति धेरै न्यून रहे पनि २०४८ सालमा बहुदलीय व्यवस्था आएपछि तत्कालिन प्रधानमन्त्री गिरिजाप्रसाद कोइरालाले व्यवस्थित तरिकाले अर्थतन्त्रलाई उठाउने काम गरेको उनले बताए ।

नेपाली कांग्रेसका केन्द्रीय सदस्य समेत रहेका खांणले भैरहवा–काठमाण्डौ विमान सेवा हप्तामा २ पटक मात्र सेवा दिने अवस्थाबाट नेपाली कांग्रेसले विभिन्न किसिमका संघर्ष गरी दैनिक सञ्चालन गर्ने व्यवस्थापन गरेको बताए ।

वि.सं. २०५१ सालमा नेपाली कांग्रेसको आन्तरिक द्वन्दले कम्युनिष्टले सरकार बनाउन सफल भएको र जसले गर्दा नेपालको अर्थनीति बिग्रेको उनले बताए । त्यतिबेला कम्युनिष्टको सरकार आएपछि विकासको गति र देशमा आउने लगानी सबैमा बाधा परेको गृहमन्त्री खाँणको भनाइ थियो ।
नेपालमा शान्ती ब्यवस्था गराउने तत्कालीन प्रधानमन्त्री गिरिजा प्रसाद कोइरालाले अघि बढेर माओवादीसँग वार्ता गरी नेपाललाई पुनः विकासको गतिमा ल्याएको उनले बताए ।

‘मर्चवारको विकास पनि द्वन्दकालमा नेपालको आवस्था जस्तै रहेको थियो धेरै पटकको प्रयासपछि मर्चवारमा नेपाली कांग्रेसमाथि विश्वास गरी नेपाली कांग्रेसलाई अवसर दिनासाथ मर्चवार पनि विकासको लहरमा बढेको छ, ’उनले भने ।

मर्चवारको अब शिक्षा, कृषि, भौतिक पूर्वाधार, स्वास्थ्य, पर्यटन, मठमन्दिर क्षेत्र लगायत अन्य क्षेत्रको कागजमा नभई देखिने विकास हुने उनले आश्वासन दिए ।

आगामाी दिनमा पनि न कांग्रेसमाथि विश्वास गरी अवसर दिएमा पुनः मर्चवारको लागि गुरुयोजना निर्माण गरी विकासको कार्य अगाडी बढाउने उनले प्रतिवद्धता व्यक्त गरे ।

कार्यक्रमा प्रतिनिधिसभा सदस्य प्रमोद कुमार यादवले मर्चवार क्षेत्रमा कृषिको सम्भावना रहेकाले यो क्षेत्रको विकासका लागि सरकारको अझै ध्यान जानुपर्ने बताए ।

लुम्बिनी प्रदेश सरकारका शिक्षा, विज्ञान युवा तथा खेलकुद मन्त्री वसिउद्दीन खानले मर्चवार क्षेत्रमा रहेको विभिन्न भन्सार कार्यालय द्वन्दकालदेखि बन्द भएकोले मर्चवारको अर्थतन्त्रमा ठुलो क्षति भएको  बताए ।

प्रदेशसभा सदस्य अष्ठभुजा पाठकले मर्चवारको मुख्य सडक जीर्ण अवस्थमा रहेकोले संघीय सरकारले तत्काल पहल गरी निर्माण गर्न आग्रह गरेका थिए ।

नेपाली कांग्रेस रुपन्देही क्षेत्र नम्बर ४ का सभापति मुकेश यादवको अध्यक्षता तथा महासमिति सदस्य रामप्रसाद हरिजनको सञ्चालनमा कार्यक्रम सम्पन्न भएको थियो ।

Categories
समाचार

रुपन्देहीमा पेस्तोलसहित एकजना पक्राउ

भैरहवा, १ मंसिर ।

प्रहरीले कटुवा पेस्तोलसहित एकजनालाई पक्राउ गरेको छ । पक्राउ पर्नेमा रुपन्देहीको तिलोत्तमा नगरपालिका–१४ दुर्गानगर, बिन्दुनगरका २८ वर्षिय सन्दिप थापा मगर रहेको जिल्ला प्रहरी कार्यालय रुपन्देहीका सहायक प्रवक्ता एवं प्रहरी निरीक्षक भाष्कर चन्दले बताए ।

मंगलबार राती वडा प्रहरी कार्यालय भैरहवाबाट खटिएको टोलीले सन्दिपको साथबाट फलामको व्यारेल, काठको ग्रिप र एकथान कटुवा पेस्तालसहित फेला पारी उनलाई नियन्त्रणमा लिइएको चन्दले बताए ।

नियन्त्रणमा लिइ अनुसन्धान पश्चात बुधबार रुपन्देही जिल्ला अदालतबाट हातहतियार तथा खर–खजाना मुद्दामा म्याद थप अनुमति लिइ थप अनुसन्धान कार्य भइरहेको रुपन्देही प्रहरीले जनाएको छ ।

Categories
समाचार

नागरिकलाई प्रहरी तथा प्रहरीले नागरिकलाई सम्मान गर्नुपर्छ : गृहमन्त्री खांण

भैरहवा, १ मंसिर ।

गृहमन्त्री बालकृष्ण खांणले नेपाली नागरिकलाई प्रहरी तथा प्रहरीले नेपाली नागरिकलाई सम्मान गर्नु पर्ने बताएका छन । उनले प्रहरी जवानमा भर्ती भएका जवानहरु घर जाने बेला एक तह प्रमोशन भएर जानुहोस् भन्नेतर्फ सरकारको ध्यान गएको बताए । सरकार, राज्य र सुरक्षा निकाय अभिन्न अंगको रुपमा रहेको उनले बताए । निजामति सेवालाई कसरी अझ वैज्ञानिक बनाउने, कर्मचारीलाई अझ बढी जिम्मेवार बनाएर नागरिकलाई सहज तरिकाले सेवाप्रभाव गर्नेतर्फ सरकार लागेको ’उनले बताए ।

नेपाली कांग्रेस जिल्ला कार्यसमिति, रुपन्देहीले बुधबार भैरहवामा आयोजना गरेको १३ औं महाधिवेशनबाट निर्वाचित वडा, नगर, गाउँ, क्षेत्रीय समिति सभापति लगायतको सम्मान कार्यक्रमलाई सम्बोधन गर्दै खांणले सरकारले विप्लव समूहसंग वार्ता प्रारम्भ गरेको बताए । उनले विप्लव समूहको राजनीतिक माग÷मुद्दालाई सम्बोधन गरेर राष्ट्रिय राजनीतिको मूलधारमा ल्याउन सरकार लागेको बताए । गृहमन्त्री खांणले नागरिकको जीवनलाई कसरी सहज बनाउने र उत्पादनलाई कसरी वृद्धि गर्ने भन्नेतर्फ सरकार लागेको बताए । उनले भारी वर्षाले किसानको खेतमा नोक्सान पुगेकाले शेरबहादुर नेतृत्वको सरकारले किसानलाई राहत प्रदान गर्ने निर्णय गरेको बताए । मूल्यवृद्धिका कारण नागरिकमा उत्पन्न निराशालाई सन्तुलित बनाउनेतर्फ सरकारको ध्यान गएको उनको भनाइ थियो ।

Categories
समाचार

भैरहवास्थित भीम अस्पताललाई ‘चाईल्ड भेन्टिलेटर’ हस्तान्तरण

भैरहवा । प्रतिमान–नीमा स्मृति प्रतिष्ठानले भैरहवास्थित भीम अस्पताललाई ‘चाईल्ड भेन्टिलेटर’ हस्तान्तरण गरेको छ । प्रतिष्ठानले अस्पताललाई करिब २१ लाख मूल्य बराबरको एक थान चाइल्ड भेन्टिलेटर हस्तान्तरण गरेको हो । मंगलबार अस्पतालमा आयोजित एक कार्यक्रमकाबीच प्रतिष्ठानका उपाध्यक्ष तथा पूर्व स्वास्थ्यमन्त्री दीपक बोहराले अस्पताल विकास समितिका अध्यक्ष नारायण प्रसाद भण्डारीलाई उक्त भेन्टिलेटर हस्तान्तरण गरेका हुन् ।

कार्यक्रममा बोल्दै प्रमुख अतिथि बोहराले भीम अस्पताललाई स्वास्थ्य उपकरण हस्तान्तरण गर्न पाउँदा खुसीको अनुभुति भएको बताए । उनले अस्पतालको विकासका लागि आफ्नोतर्फबाट सक्दो सहयोग गर्ने प्रतिबद्धता व्यक्त गरे । ‘जिल्ला अस्पतालको रुपमा रहेको भीम अस्पतालमा रुपन्देहीबाट मात्र नभइ विभिन्न जिल्लाबाट बिरामी आउने गरेका छन्, यो अस्पतालको विकासका लागि यहाँका नागरिक तथा संघ–संस्थाको सहयोग रहेको छ, ’बोहराले भने ।

अस्पताल विकास समितिका अध्यक्ष नारायण प्रसाद भण्डारीले अस्पतालमा बच्चाको वार्ड स्थापना भए पनि बच्चाको लागि भेन्टिलेटर नभएको अवस्थामा प्रतिमान–नीमा स्मृति प्रतिष्ठानले सहयोग गर्नु प्रशसंनीय रहेको बताए । उनले बहुमुल्य वस्तु चाइल्ड भेन्टिलेटरले बच्चाको ज्यान बचाउन उपयोगी सामग्री भएको बताए । अहिले भेन्टिलेटरममा राखेर सर्पदशंका बिरामीहरुको पनि उपचार भइरहेको उनले जानकारी दिए । ‘सीमित स्रोतसाधनका साथ सञ्चालन भएको अस्पतालमा यस क्षेत्रका संघ–संस्था, राजनीतिक दल, समाजसेवी, उद्योगी, व्यवसायीले सहयोग गर्दै आउनुभएको छ, ’उनले भने ।

यस अघि पनि प्रतिमान–नीमा स्मृति प्रतिष्ठानले अक्सिजन सिलिण्डर, अक्सिजन कन्सनटे«टर लगायत झण्डै एक गाडी स्वास्थ्य सामग्री प्रदान गरेको बताए । अध्यक्ष भण्डारीले अस्पताललाई आत्मनिर्भर र सक्षम बनाउन प्रतिष्ठानको सहयोगले ईट्टा थपिएको बताए । अस्पतालमा ५० बेड क्षमताको निर्णय भए पनि सो अनुसार जनशक्ति नभएको उनको भनाइ थियो । ‘अस्पतालमा १२० बेड राखेका छौं, तर यहाँ २५ बेडको मात्रै जनशक्ति छ, ’उनले भने । अस्पतालमा हालै अक्सिजन प्लान्ट पनि स्थापना गरिएको उनले बताए ।

प्रतिष्ठानका निर्देशक धर्म बहादुर के.सी.ले कोरोना महामारीको तेस्रो लहरबाट बालबालिकालाई हुन सक्ने जोखिमको न्यूनीकरण गर्नका लागि अस्पतालको माग अनुसार भेन्टिलेटर हस्तान्तरण गरिएको बताए । उनले प्रोजेक्ट होपको सहयोगमा लुम्बिनी प्रदेशमा रहेका १३ वटा सरकारी अस्पताल र सातवटै प्रदेशका स्वास्थ्य मन्त्रालयमा कोभिड–१९ विरुद्ध लड्नका लागि करिब ११ करोड मूल्य बराबरको स्वास्थ्य सामग्री व्यवस्था गरी हस्तान्तरण गरिएको बताए ।

अस्पतालका बालरोग विशेषज्ञ डा. आरिफ हुसेनले चाइल्ड भेन्टिलेटर बच्चाहरुको लागि निकै उपयोगी हुने बताए । उनले भेन्टिलेटरबाट बच्चाको तौल अनुसार अक्सिजन दिन सकिने बताए । अस्पतालका प्रशासकीय अधिकृत गोविन्द ज्ञवालीले स्वास्थ्य सेवामा समर्पित भएर प्रतिष्ठानले सहयोग गरेको बताए ।

कार्यक्रममा प्रतिमान–नीमा स्मृति प्रतिष्ठानले कोभिड–१९ महामारीविरुद्ध लड्न सहयोग गरेको भन्दै अस्पताल विकास समितिले प्रतिष्ठानलाई सम्मान–पत्र प्रदान गरेको छ । अस्पताल विकास समितिका अध्यक्ष नारायण प्रसाद भण्डारीले प्रतिष्ठानका उपाध्यक्ष एवं पूर्व स्वास्थ्यमन्त्री दीपक बोहरालाई उक्त सम्मानपत्र हस्तान्तरण गरेका हुन्् ।

Categories
खेलकुद लुम्बिनी प्रदेश

शुक्रबार देखि भैरहवामा चित्रांश कप–२०७८ हुँदै

भैरहवा, १७ कात्तिक ।
चित्रांश युथ क्लबको आयोजना तथा चित्रगुप्त युवा सेवा समिति भैरहवाको सहयोगमा यही कात्तिक १९ गते शुक्रबार भैरहवामा दोस्रो संस्करणको चित्रांश कप–२०७८ हुने भएको छ । भैरहवास्थित सिद्धार्थ रंगशालामा बिहान ९ बजेदेखि सुरु हुने प्रतियोगितामा ४ वटा टिमको सहभागिता हुने आयोजकले बुधबार सिद्धार्थनगर–६ स्थित चित्रगुप्त मन्दिरमा पत्रकार सम्मेलनमार्फत जानकारी गराएको छ ।
पत्रकार सम्मेलनमा बोल्दै चित्रांश युथ क्लबका अध्यक्ष सौरभ लाभले नकआउट क्रिकेट टुर्नामेन्टमा ३ वटा खेल हुने बताए । उनले प्रतियोगितामा रोयल नाइट्स, व्रेभ वारियर्स, चित्रांश सुपर किंग्स र कायस्थ नाइट राइडर्सको गरी चार वटा टिमबाट ५२ जना खेलाडीको सहभागिता रहने बताए । जसअन्तर्गत रोयल नाइट्सको कप्तानमा धिरज मल्लिक, वेभ वारियर्सको कप्तानमा अमित श्रीवास्तव, चित्रांश सुपर किंग्सको कप्तानमा दीपक मल्लिक र कायस्थ नाइट राइडर्सको कप्तानमा मनिष चौधरी रहेका छन् ।
‘चित्रांश परिवारबीच आपसी भाइचारा स्थापित गर्ने र प्रतिभा प्रस्फुटन गर्ने उद्देश्यले गत वर्षदेखि क्रिकेट प्रतियोगिताको सुरुवात गरेका छौं, ’लाभले भने । प्रतियोगिता गर्न २ लाख रुपैयाँ खर्च हुने उनले जानकारी दिए । प्रतियोगितामा चित्रांश परिवारका १५ वर्षदेखि ५५ वर्ष उमेर समूहका व्यक्ति सहभागि हुन सक्ने लाभको भनाइ छ । आइसीसी नियम अनुसार नै प्रतियोगिता सञ्चालन हुने आयोजकको भनाइ छ ।
प्रतियोगितामा विजेतालाई रनिंग ट्रफी, म्यान अफ द सिरिज, बेष्ट ब्याट्सम्यान, बेष्ट बलर, मोस्ट सिक्सेज, म्यान अफ द म्याच, गोल्ड म्याडल्स, सिल्भर म्याडल्स र सहभागि सबैलाई प्रमाणपत्र प्रदान गरिने उनले बताए । प्रतियोगिता आयोजना गर्नका लागि व्रेभ कन्सट्रक्शन, एप्पल होलिडेज, ए.के. ग्राफिक्स, कर्ण फाइल उद्योगले सहयोग गरेका छन् । चित्रगुप्त युवा सेवा समितिका अध्यक्ष रत्नेश मल्लिकले चित्रांश युथ क्लबले प्रतियोगिता आयोजना गर्नु सराहनीय भएको बताए । चित्रगुप्त युवा सेवा समितिका सचिव विवेकानन्द मल्लिकको सञ्चालनमा कार्यक्रम सम्पन्न भएको थियो । २०७७ साल असोजमा स्थापना भएको चित्राशं युथ क्लबमा १५ जना सदस्य आबद्ध छन् ।

Categories
राजनीति लुम्बिनी प्रदेश

मर्चवारको मझगाँवालाई शहरीकरण गर्ने : मन्त्री खाँन

मर्चवार १५ कार्तिक /मर्चवारको केन्द्रको रुपमा रहेको मझगावाँलाई शहरीकरण गर्ने लुम्बिनी प्रदेश सरकारका शिक्षा विज्ञान युवा तथा खेलकुद मन्त्री वशीउद्दीन खाँनले बताएका छन् । रुपन्देही क्षेत्र नं. ४ ‘ख’ बाट निर्वाचित मन्त्री खाँनले गृह क्षेत्रमा स्वागत तथा सम्मान कार्यक्रममा सो कुरा बताएका हुन् ।

कोटहीमाई ६ मर्चवारी धर्मशालामा आयोजित मन्त्रीको स्वागत तथा सम्मान कार्यक्रममा प्रमुख अतिथ्यता गर्दै मन्त्री खानले मर्चवार क्षेत्रको प्रतिनिधित्व गर्ने मझगावाँ बजारलाई शहरमा परिणत गर्ने योजना ल्याएको बताए । शहरी क्षेत्रमा हुने अधारभूत कुराको ब्यवस्थापन गर्न ५० लाख बजेट बिनियोजन गरेको मन्त्री खानले जानकारी दिएका छन् ।

शिक्षा क्षेत्रलाई प्राथमिकतामा राखेर भौतिक निर्माणको लागि पनि विभिन्न बजेट बिनियोजन गरेको मन्त्रीले बताएका छन् । किसानहरुको सिँचाई माध्यमको अभिभावको भूमिका खेलेको मर्चवार लिफ्ट सिँचाई आयोजनाको नहर मर्मत सम्भारको लागि करीब २ करोडा बजेट बिनियोजन गरेको उनले बताएका छन् ।
पर्यटकी क्षेत्र विकासको लागि मर्चवारी मन्दिरको गुरु योजना तथा डिपिआर निर्माणको लागि ४० लाख बजेट बिनियोजन गरेको कार्यक्रममा उनले बताए ।

टापुको क्षेत्र महसुस गर्ने कोटहीमाइ २ र मायादेवी ५ भुवरी, सक्रौनपकडी क्षेत्रमा सहजै दमकल, एम्बुलेन्स लगायतका सावारी साधनको पहुँ्च बढाउन तिनाउ नदीको भुवारीमा १८ करोडको लागतमा पक्की पुल निर्माण गर्ने बजेट बिनियोन गरेको मन्त्री खानले बताए । यसैगरी मर्चवार बहुमुखि क्याम्पसको लागि २५ लाख बजेट बिनियोजन गरिसकेको मन्त्री खानले जानकारी दिएका छन् ।
दुईमोहान देखि रमवापुर सडक, तुनिहवा देखि बगौली, सिपवा देखि महजिदिया, मर्चवारी मन्दिर क्षेत्रमा हिलो मुक्त सडक निर्माण गर्ने आगामी वर्षको योजना बनाएको मन्त्री खानले बताएका छन् ।
आफ्नो कार्यकालमा मर्चवार क्षेत्रमा एक प्राविधि मैत्री शिक्षालयको स्थापना गर्ने प्रतिवद्धता ब्यक्त गरेका छन् । कार्यक्रममा बोल्दै युव नेता आसुतोष मिश्रले मर्चवारले युवा मन्त्री पाएको खुसी ब्यक्त गरेका छन् । मर्चवारले यस भन्दा पहिला पनि शिक्षा मन्त्री पाएको तर शिक्षा क्षेत्रमा कुनै परिवर्तन नभएको आलोचना गरे । उनले भने ‘मर्चवारलाई पावर वाला मन्त्री हैन विकास गर्ने मन्त्रीको आवश्यक्ता थियो त्यो पुरा भएको छ । अब शिक्षा क्षेत्रमा राम्रो विकास हुनेछ ।’
कार्यक्रममा नेपाली कांग्रेसका जिल्ला सदस्य विनोद श्रीवास्तव, राजकुमार सिंह, युव नेता गुरुवचन यादव, नेपाली कांग्रेस कोटहीमाई कमिटि अध्यक्ष अवधराम यादव, सम्मरीमाई गाउँपालिका कमिटि अध्यक्ष रमेश यदाव, युवा नेताम कृष्ण कुमार सिंह लगायतकाले शुभकामना तथा स्वागत मनतब्य बोलेका थिए ।
नेपाली कांग्रेस मर्चवारी गाउँपालिका कमिटिको आयोजना सम्पन्न उक्त कार्यक्रममा कमिटि अध्यक्ष जनार्दन यादवले अध्यक्ष गरेका थिए भने समाजसेवी जगन्नाथ प्रसाद कुर्मीले कार्यक्रम संचालन गरेका थिए ।

Categories
लुम्बिनी प्रदेश समाचार

रूपन्देही माहुरी होमको अध्यक्षमा चौधरी

भैरहवा, १५ कार्तिक ÷मधेश मानव अधिकार गृह ९माहुरी होम० कपिलबस्तुले रूपन्देही शाखा गठन गरेको छ । संस्थाका रूपन्देही स्थित सदस्यहरूको भेलाले राम बिकास चौधरीको अध्यक्षतामा १३ सदस्यीय जिल्ला शाखा गठन गरेको हो ।
माहुरी होमका प्रतिनिधि प्रेम जयसवालको प्रवेक्षणमा गठित रूपन्देही शाखाका उपाध्यक्षमा अमृता अनमोल, सचिवमा पबित्रा त्रिपाठी, सहसचिवमा लक्ष्मी चौधरी र कोषाध्यक्षमा बिकास यादव रहेका छन । शाखाको सदस्यहरूमा शम्भू बरइ, कृष्णा हरिजन, अशोक गोश्वामी, जुबेर अहमद खाँन, बृजमोहन हरिजन, राकेश यादव, उषा किरन पन्त र हृदयराम गुप्ता रहेका छन । भेलाले ३ सदस्यीय आसन्न केन्द्रिय अधिवेशन प्रतिनिधि समेत छनौट गरेको छ  त्यसैगरि भेलाले प्राध्यापक त्रिभुवन बरइ, महिला अधिकारकर्मी धनेश्वरी चौधरी र शिक्षाबिद् अब्दुल रउफलाइ जिल्ला शाखा सल्लाहकार चयन गरेको माहुरी होम रूपन्देही शाखाले बताएको छ ।

Categories
राष्ट्रिय समाचार लुम्बिनी प्रदेश

रोटरी क्लब आफ सेन्ट्रल लुम्बिनीद्वारा ह्वील चेयर वितरण

लुम्बिनी १३ कार्तिक / रोटरी क्लब आफ सेन्ट्रल लुम्बिनीले अपाङ्गहरुलाई ह्वील चेयर वितरण गरेको छ । लुम्बिनीमा अवस्थित राजकीय बुद्ध विहारको प्रांगणमा एक कार्यक्रमको आयोजना गरी ह्वील चेयर वितरण गरेको हो । लुम्बिनी क्षेत्रका ४ जना अशक्त बालबालिकाहरुलाई ह्वेल चेयर वितरण गर्दै कार्यक्रमका प्रमुख अतिथि सार्कका महासचिव इसला रुवन व्यीरकोनले अपांङ्ग अशक्तलाई ह्वील चेयर वितरण कार्यक्रम आफैमा महान कार्यक्रम भएको बताए ।

रोटरी क्लब आफ सेन्ट्रल लुम्बिनीले आफैमा सकारत्मक र सक्रिय क्लबको रुपमा परिचय दिएको उनले बताए । समाजिक सहयोग र समाजमा रहेको समस्या समाधान गर्न पहल नै भगवान गौतमबुद्धको एक नियम सम्बत कार्य भएको उनले प्रशंसा गरेका थिए । गौतमबुद्धको जन्मभुमिमा बुद्धको नियम वा मार्ग प्रति सबैको चासो आफैमा यो क्षेत्रलाई बुद्धमय बनाएको उनले भने ।

कार्यक्रममा अध्यक्षता गर्दै क्लबका अध्यक्ष डा. सत्दल चौधरीले क्लब आफ्ना उत्रदायीत्व निर्वाह गर्न विभिन्न निकाय वा ब्यक्तिहरुको सुझाल सल्लाह बमोजिम नै समाजिक कार्यमा अगाडी बढेको बताउदै कार्यक्रम माथि प्रकाश पारेका थिए । कार्यक्रममा हिरा बहादुर साहीले स्वागत मनतब्य राखेका थिए भने लुम्बिनी होटल ब्यवसायी संघका अध्यक्ष गोविन्द ज्ञवाली लगायत क्लबका विभिन्न सदस्यहरुको उपस्थिति रहेको थियो ।